RU
Azərbaycan türkdilli ölkələrlə elektron ticarətin artırılması üzrə işləri davam etdirəcək - Mikayıl Cabbarov
11:17
24

Azərbaycan türkdilli ölkələrlə elektron ticarətin artırılması üzrə işləri davam etdirəcək - Mikayıl Cabbarov

2021-ci ilin yeddi ayı ərzində Azərbaycanın türkdilli ölkələrlə ticarət dövriyyəsi 2,6 milyard manat və ya ümumi dövriyyənin 15 faizini təşkil edib.


Iqtisadi.az -in məlumatına görə, bunu iqtisadiyyat naziri Mikayıl Cabbarov Türk Şurası ölkələrinin iqtisadiyyat nazirlərinin 10-cu iclasında deyib.


Nazir bildirib ki, Azərbaycanın Macarıstanla ticarət dövriyyəsi isə 75 faiz artıb:

"Biz innovasiyaların elektron ticarətə tətbiqi üzrə türkdilli dövlətlərlə əməkdaşlığı davam etdiririk. Bir müddət əvvəl Türkiyə tərəfi ilə bununla bağlı razılıq əldə etmişik".

M.Cabbarov əlavə edib ki, ölkədə elektron ticarətin artırılması üzrə işlər davam etdiriləcək:

"Bu baxımdan biz türkdilli ölkələrlə imzalanması nəzərdə tutulan müvafiq memorandumu hazırlayırıq".

Nazirin sözlərinə görə nəqliyyat sahəsində tranzit yükdaşımaların artırılması planlaşdırılır:

"Biz, həmçinin bərpa olunan enerji mənbələri, tullantıların təkrar emalı və yaşıl texnologiyalar sahəsində layihələr üzrə işləyirik".

BÖLMƏNİN DİGƏR XƏBƏRLƏRİ