RU
İlon Mask hamını məyus etdi - FOTO
10:20
1115

İlon Mask hamını məyus etdi - FOTO

Yeni açılan sürətli yeraltı tuneli istifadəçilərinin ümidləri doğrultmayıb
 

İlon Maskın sahibi olduğu "The Boring Company” şirkəti tərəfindən layihələndirilmiş sürətli yeraltı tunel istifadəyə verilib.

Valyuta.az Oxu.az-a istinadən xəbər verir ki, ilk "Loop Transportation System” yeraltı tuneli Los-Ancelesdəki konfrans mərkəzinin altında inşa olunub. İki ədəd birtərəfli tuneldən ibarət nəqliyyat infrastrukturu gözlənilən ümidləri doğrultmayıb.

Belə ki, öncədən bəyan olunduğu kimi, tunelin daxilində Tesla avtomobili ilə saatda 200 km/saat sürətlə hərəkət etmək mümkün olmayıb. Avtomobillərin sıxlığından maksimal sürət yalnız 60 km/saata çatıb. Bununla yanaşı, tunel yalnız üç dayanacaqdan ibarət olduğu üçün onun vasitəsilə konfrans mərkəzinin istənilən yerinə gedib çatmaq elə də əlverişli deyil.

Bir sözlə, iki il ərzində inşa olunan tunel onu səbirsizliklə gözləyənləri məyus edib. Onun inşasının davam etdiriləcəyi isə sual altındadır. Ən azı ona görə ki, tunelin hər 1.5 km-lik hissəsi 1 milyard dollara başa gəlir.   

BÖLMƏNİN DİGƏR XƏBƏRLƏRİ